Siglir tar il cuntegn

Header

cuntegn

Exteriur Chamenei fa responsabel l'exteriur per las protestas en l'Iran

Il pli aut spiritual da l'Iran, Ajatollah Ali Chamenei, fa responsabel l'exteriur per il moviment da protesta encunter la regenza.

Ils inimis da l'Iran hajan sustegnì ils ultims dis ils demonstrants politicamain, però era cun daners ed armas. Quai ha pretendì Ajatollah Ali Chamenei. Tgi exact ch'el fa responsabel n'è però betg cler.

Ils protests avevan cumenzà la gievgia passada. L'emprim eran els sa drizzads encunter la politica d'economia e da l'exteriur da la regenza. Entant sa drizzan quels er encunter il sistem politic da l'Iran. Dapi lura èn mortas almain 19 persunas, rapporta la televisiun statala.

En medias socialas vegn pretendì che la polizia sajettia sin ils demonstrants. Quests rapports na sa laschan dentant betg examinar independentamain.

RR novitads 09:00

Artitgels legids il pli savens