Exteriur - Champ da tendas duai mitigiar la situaziun da fugitivs
Sper la staziun ost a Budapest vegn erigi in champ da tendas che po dar in suttetg ad 800 fin 1'000 fugitivs. Il champ duai star a disposiziun entaifer duas emnas, quai ha decis il parlament da la citad.
El ha perquai concedì in credit da 1,3 milliuns francs. Quai na saja betg lur pensum ma els fetschian quai per motivs da conscienza, ha ditg il burgamester da la chapitala ungaraisa. Ils ulteriurs champs da fugitivs en il pajais èn fullanads dal tuttafatg.
