Siglir tar il cuntegn

Exteriur Chancelier austriac Faymann sa retira

Il chancelier austriac Werner Faymann sa retira da tut ses uffizis. Il president da la partida SPÖ tira uschia las consequenzas dal sustegn mancant entaifer sia partida.

Il chancelier austriac Werner Faymann (SPÖ)
Legenda: Werner Faymann (SPÖ) è stà en la critica pervia da sia politica d’immigraziun. Keystone

L'Austria dovria in chancelier che haja il sustegn cumplain da sia partida. La regenza dovria ina nov'entschatta cun forza e tgi che n'haja betg quest sustegn, na possia betg far questa lavur, uschia ha argumentà Faymann.

Werner Faymann è dapi il december 2008 chancelier. La decisiun croda suenter che la partida populista FPÖ ha gudagnà las elecziuns la fin d'avrigl.