En la Grezia na san passa 25’000 fugitivs betg nua ir il mument. Tenor medias localas giajan els sin l'autostrada tranter Athen ed Thessaloniki en direcziun Nord. La notg passada hajan blers durmì ordadora.
Al cunfin cun la Macedonia - ch'è uss serrà dal tut - tegnan actualmain passa 5'000 la dira. Ils centers da registraziun, uschenumnads hotspots, ed ils champs da recepziun sajan surchargiads.
Tranter ils fugitivs sa chattian blers uffants e glieud veglia che dovrian agid medicinal. Tschertgadas sajan surtut pulvra da latg, aua e mangiativas. Voluntaris en l'entir pajais emprovan da proveder ils umans provisoricamain cun il pli necessari.
RR novitads 11:00