Siglir tar il cuntegn

Header

In um en ina chapellina alva che gida in blessà a mesa via.
Legenda: In commember da l'organisaziun «Chapellinas alvas» en acziun. Reuters
cuntegn

Exteriur «Chapellinas alvas» duain survegnir premi nobel

Plirs stars da Hollywood ed auters prominents sustegnan la pretensiun da surdar a l'organisaziun da gidanters en la Siria il premi Nobel per la pasch.

Tranter auter han suttascrit la petiziun ils acturs George Clooney, Daniel Craig e Ben Aflleck sco era il chantadur Justin Timberlake e sia collega Alicia Keys. Quai tenor l'iniziativa per dretgs umans «The Syria Cmpaign».

Ils voluntaris da las «Chapellinas alvas» gidan tranter auter a strair blessads ord las ruinas, per exempel suenter attatgas ord l'aria. Els hajan gia spendrà la vita a passa 60'000 persunas.

In pledader da l'organisaziun ad Aleppo haja ditg ch'els sajan loschs che tants prominents sustignian els. Per els saja dentant betg il premi nobel la finamira, mabain ina fin da la guerra en la Siria.

RR novitads 15:00

Artitgels legids il pli savens

Scrollar a sanestra Scrollar a dretga