Charles Aznavour saja stà l'ultim dals gigants da la «chanson française», scriva l'agentura da novitads franzosa AFP. El saja mort en la vegliadetgna da 94 onns a ses domicil ad Alpilles en il sid da la Frantscha rapportan ils meds da massa.
Aznavour è vegnì enconuschent cun chanzuns sco «La Bohème» e «Emmenez-moi». Aznavour ha dentant era giugà rollas en passa 70 films – tranter auter en il film premià cun in Oscar «Die Blechtrommel».
RR novitads 15:00