-
Bild 1 von 7. L'um ha attatgà las duas policistas a mesa via davant in post da polizia. Bildquelle: SRF.
-
Bild 2 von 7. Davant quest post da polizia è l'attatga capitada. Bildquelle: Keystone.
-
Bild 3 von 7. La polizia segirescha il lieu dal delict. Bildquelle: Reuters.
-
Bild 4 von 7. La polizia controllescha l'identitad dad ina persuna en vischinanza da l'attatga. Bildquelle: Keystone.
-
Bild 5 von 7. Plirs dals terrorists ch'eran involvids en las attatgas da Paris il november passà, han gì abitaziuns a Charleroi. Bildquelle: Reuters.
-
Bild 6 von 7. Charleroi è radund 50 km en il sid da Brüssel. Bildquelle: Google Maps.
-
Bild 7 von 7. Il primminister beltg Charles Michel infurmescha davart l'attatga da sonda saira. Bildquelle: Keystone.
En la Belgia ha in um blessà la sonda duas policistas a mesa via cun ina maheta. L’attatga saja capitada en la citad da Charleroi, sco la polizia ha communitgà via il servetsch da novitads curtas twitter.
L’attatgader haja clamà «Allahu Akbar» avant che la polizia haja sajettà sin el. Tenor indicaziuns uffizialas è l'um mort silsuenter en l'ospital. Entant è sia identitad enconuschenta. I sa tractia d'in um da 33 onns oriund da l'Algeria. L'um vivevi dapi l'onn 2012 en la Belgia.
Ina da las policistas saja vegnida blessada levamain. L'autra haja para blessà la fatscha e saja en l'ospital. Privel da vita n'existia dentant betg.
Charleroi è radund 50 kilometers en il sid da la chapitala Brüssel ed ha radund 200'000 abitants.
Il mars èn duas attatgas terroristicas sin l'eroport e la metro da Brüssel 32 persunas mortas.
RR novitads