Siglir tar il cuntegn

Header

cuntegn

Exteriur Charles Vögele è concurs er en Austria

Il commerziant da moda ch'è vegnì surpiglià da OVS ha declerà l'insolvenza er en l'Austria. Per las 83 filialas en Austria n'hajan ins chattà nagin investur, ha annunzià la firma. Pertutgads da l'insolvenza èn radund 700 collavuraturs.

Per motivs giuridics e circumstanzas economicas vegnia la firma a dumandar per ina procedura da sanaziun. Parallel vul la fatschenta cuntinuar las contractivas cun investurs. Finamira saja ch'il commerziant da moda possia segirar plazzas a moda persistenta.

Il pli grond commerziant da moda da l’Italia OVS aveva surpiglià avant strusch in onn la gruppa Vögele en la Svizra ed en l’Austria. Gia a l’entschatta zercladur aveva la societad affiliada da OVS annunzià insolvenza en Svizra. Tuttas filialas en la Svizra èn vegnidas serradas e radund 1'200 collavuraturs ha la firma relaschà.

RR novitads 15:00

Artitgels legids il pli savens