Siglir tar il cuntegn

Header

cuntegn

Exteriur Chatscha sin balenas ha cumenzà

En la Norvegia ed en il Giapun ha la chatscha sin balenas cumenzà.

Organisaziuns d’ambient crititgeschan che la Norvegia ha auzà la quota per balenas pitschnas da 880 animals sin 999 animals, quai scriva l’organisaziun Pro Wildlife. Ina part da la charn da balena vegn exportada en il Giapun.

Ils davos dus decennis ha la Norvegia bajegià ora sistematicamain la chatscha sin balenas
Autur: Sandra Altherr Organisaziun d’ambient Pro Wildlife

333 balenas pitschnas

Chatschadres da balenas dal Giapun han mazzà en l'antarctica tschients da balenas. Il bastiment «Nisshin Maru» e dus ulteriuras bastiments èn turnads il venderdi en il port Shimoneseki suenter ch'els han mazzà 333 balenas pitschnas, uffizialmain per motivs scientifics.

Il tribunal internaziunal aveva decis il 2014 ch’il Giapun na dastgia betg pli far chatscha ord motivs scientifics. Silsuenter ha Tokio reducì il dumber da las balenas ch'ins dastga mazzar. Il Giapun spera da pudair far chatscha commerziala sin balenas ch'è scumandada dapi il 1986.

RR novitads 12:00

Artitgels legids il pli savens