Radund 20 persunas hajan attatgà a la staziun principala 6 Pakistans, quai ha communitgà la polizia da Cologna. Duas persunas attatgadas èn vegnidas transportadas en l'ospital.
Pauc pli tard han 5 persunas attatgà in Sirian da 39 onns. La polizia investighescha pervi da blessura corporala. Sch'i dat in connex tranter las duas attatgas n'è anc betg cler.
La gasetta Kölner Express rapporta ch'i haja dà in appel sin facebook dad ir «sin chatscha da carstgauns».
RR Novitads 06:00