En l'ost da la Sri Lanka han ins chattà 15 baras en ina chasa ch'era circumdada da la polizia. La chasa en la citad Sainthamaruthu avess gì da vegnir assaglida en il rom d'ina razzia anti-terror, ma lura hai dà almain trais explosiuns. Tenor la polizia sajan tranter las 15 unfrendas sis uffants e trais dunnas. In uffant ed ina dunna ch'eran blessads èn vegnids transportads en l'ospital.
Legenda:
La polizia suppona che las detunaziuns derivan dad in u plirs attentaders da suicidi.
Keystone
La razzia è vegnida fatga suenter las attatgas terroristicas da Pasca, nua che passa 250 persunas èn mortas.
RR novitads 06:00
