Siglir tar il cuntegn
Inhalt

Exteriur Chattà blackbox da l'aviun crudà avant Sumatra

Trais dis suenter la crudada da l'aviun en l'Indonesia han ils teams da tschertga chattà la blackbox en la mar. Il noda-sgols saja vegnì tratg ord l'aua radund 15 kilometers avant la costa, rapportan medias localas.

Il noda-sgols è vegnì tratg ord l'aua radund 15 kilometers avant la costa.
Legenda: Chattà la blackbox han ils sfunsaders var 15 kilometers avant la costa. Keystone

Ins haja chattà parts da la blackbox. Quai conferma il schef da l'uffizi da tschertg, Muhammad Syaug. «Nus avain chattà ina part da la blackbox, i manca dentant anc insatge», ha el ditg. Avert è sch'ins ha chattà il scriptur dal noda-sgols u il recorder da vuschs cun registraziuns or dal cockpit.

Tar la disgrazia èn glindesdi tut las 188 persunas ch'eran a bord. L'aviun ha curt suenter la partenza vulì turnar a Jakarta pervi dad in problem a bord. Ins suppona che problems tecnics èn la culpa per la disgrazia.

RR novitads 08:00

RR novitads 08:00