Chattà la blackbox da l’aviun russ

Sfunsaders han chattà ina blackbox da l'aviun militar russ ch'è crudà giu en la Mar Naira. Quai han las autoritads russas confermà. Uss duai la blockbox vegnir analisada en la chapitala a Moscau.

In maletg dal dirigent Valery Khalilov. Bild in Lightbox öffnen.

Legenda da maletgs: Tranter las unfrendas sa chatta era il dirigent dal cor militar Valery Khalilov. Keystone

Las autoritads supponan ch’in sbagl dal pilot u in defect tecnic sajan stads la raschun per la disgrazia. Ma sche las datas sin la blackbox èn intactas na pon ins anc betg dir.

Entant cuntinuescha la retschertga da las unfrendas. Sco quai ch’il Departament da defensiun russ ha communitgà èn ins londervi da salvar las baras.

L’aviun militar era crudà giu la dumengia passada en la Mar Naira. El era en viadi vers la Siria cun 92 persunas a bord. Era a bord sa chattava ina gruppa dal chor militar russ Alexandrow che sgulava en Siria per dar in concert.

RR novitads 09:00