Il sindicat Verdi ha a curta vista appellà al persunal a terra da far ina chauma d'avertiment a partir da questa notg a las 03:00. Quants dals 388 sgols planisads che crodan, n'è anc betg enconuschent.
La raschun per la chauma è ina dispita da paja. Il sindicat pretenda tranter auter 275 euros il mais dapli per tuts. Il persunal a terra è tranter auter responsabel per preparar ils aviuns e per la spediziun da las valischs, sco era per il traffic da bus.
Avant duas emnas aveva il persunal da segirezza gia fatg chauma a l'eroport da Hamburg.