Siglir tar il cuntegn

Header

Navigaziun

cuntegn

Exteriur Chauma en Germania a fin – retards tar trens continuan

Questa bun'ura aveva la Deutsche Bahn DB interrut ses manaschi per il traffic a gronda distanza. La raschun era ina chauma d'avertiment en l'entir pajais. En il fratemp saja la chauma a fin, ma i saja anc da far quint durant tut il di cun retards – uschia la DB.

Conductur sper in tren
Legenda: Il suentermezdi pudessan ils trens puspè ir tenor urari. Keystone

Er sche la chauma è vegnida terminada las 09:00 suenter 4 uras, cuntinueschan ils retards en la rait da tren tudestga. Surtut en il traffic a gronda distanza saja da far quint cun restricziuns – uschia la Deutsche Bahn.

Avant la chauma d'avertiment en l'entir pajais era gia il traffic da viafier en l'entira Baviera vegnì interrut. Il motiv da la chauma tar la viafier è il naufragi da las contractivas da paja.

In pledader dal sindicat da viafier e traffic EVG ha communitgà ch'i saja da spetgar pir il suentermezdi, ch'il traffic funcziunia tenor urari. Er la SBB quinta cun disturbis sin sia rait pervia da la chauma en Germania.

RR novitads 06:00