Siglir tar il cuntegn
cuntegn

Exteriur Chauma generala paralisescha Belgia

Purtret d'ina staziun vida en Belgia.
Legenda: Nagins trens, nagins bus. Il traffic public en Belgia è paralisà pervi da la chauma generala. Keystone

Pertutgads da la chauma èn dasper colliaziuns da bus e tren er supermartgads e fabricas. Emploiads da differents secturs èn suandadas l'appell dals sindicats, tranter auter er quels da l'administraziun, ospitals, scolas e polizia. Er sin l'eroport da Brüssel vegni fatg chauma. Pertutgads èn tranter auter in tozzel sgols vers Turitg e Genevra. En tut èn 222 sgols stritgads e radund 16'000 persunas pertutgadas.

Finamira da la chauma èn augments da pajas ils proxims onns. La regenza ed ils patruns avevan fatg a mogna in augment da 0,8%. Ils sindicats han dentant refusà questa proposta.

RR novitads 10:00