Ina chauma dals controlladers dal traffic aviatic franzos ha chaschunà retards ed annullaziuns da sgols en l'entira Europa. Sulet Easyjet ha stritgà 118 sgols vers e da la Frantscha. Ryanair ha discurrì da tozzels sgols annullads.
Er la Svizra è stada pertutgada. A Basilea, Genevra e Turitg èn en tut 50 colliaziuns crudadas ora. Ils controlladers da sgols protestan cunter l'auzament planisà da la vegliadetgna da pensiun da 57 sin 59 onns. La chauma duai cuntinuar er la gievgia. La surveglianza da sgols franzosa quinta che mintga segund sgol crodia ora.
