Siglir tar il cuntegn

Header

Il logo da la Lufthansa.
Legenda: Per la mesemna ha la Lufthansa stritgà radund 930 sgols. Stgars 100'000 persunas èn pertutgadas. Keystone
cuntegn

Exteriur Chauma tar Lufthansa po cuntinuar

Il persunal da cabina da la societad aviatica Lufthansa dastgan vinavant far chauma a Frankfurt e Minca. Quai ha la dretgira da lavur a Darmstadt en Germania decis. La societad aviatica aveva vulì laschar scumandar ad interim la chauma.

La dretgira da lavur ha uss decis en favur dals emploiads cun l’argument ch’ils sindicats hajan formulà las pretensiuns. La chauma saja tenor il derschader legala. I regia nagin surpassament da l’obligaziun da mantegnair la pasch.

Cun questa decisiun po la chauma a Frankfurt e Minca cuntinuar da mesemna fin venderdi. Il sindicat dal persunal da cabina Ufo discurra d'in success. La Lufthansa ha però reagì trumpada.

Avant aveva ina dretgira a Düsseldorf decis, che la chauma na saja betg legala. Quai cun l’argument ch’ils sindicats n’hajan betg argumentà las pretensiuns.

RR novitads 06:00

Dapli da Exteriuravrir la Landingpage

Nach links scrollen Nach rechts scrollen