En l'entira Germania na curseschan praticamain nagins trens e bus. Er il traffic aviatic stat quasi airi pervia d'ina chauma, quest glindesdi. Pertutgadas sajan plirs milliuns pendularis e plirs tschientmilli passagieras, scriva l'agentura Reuters. Las Viafiers federals scusseglian da far viadis en Germania pervia da quai. Per evitar problems pli gronds remplazzan las Viafiers federalas numerus trens sur cunfin cun agens. Sper il traffic sin binaris è er il traffic aviatic pertutgà. En Svizra percorsch'ins per exempel quai ch'ils sgols da la Lufthansa davent da la plazza aviatica da Basilea èn annullads en direcziun Hamburg e Frankfurt.
Pli gronda chauma dapi 30 onns
Il sindicat Verdi discurra da la pli gronda chauma dapi il 1992. Ils sindicats vevan fatg l'appell da far durant 24 uras chauma – per augmentar il squitsch sin las rundas da paja.