A Frankfurt am Main, il pli grond eroport da la Germania crodia mintga segund sgol ora pervi da la chauma d'avertiment. Quai ha annunzià Fraport, la fatschenta che manischescha ils sgols. Quel cusseglia als passagiers d'insumma betg vegnir a l'eroport sche pussaivel. Er autras plazzas aviaticas en l'entir pajais èn pertutgadas da la chauma dal persunal da segirezza. Er sgols da ed en la Svizra èn pertutgads da la chauma. Quant blers sgols ch'èn pertutgads, n'è anc betg enconuschent.
Ils sindicats tudestgs Verdi e DDB pretendan per ils 23'000 emploiads dal sectur segirezza e controlla ina paja unitara d'enturn 20 euros l'ura. La chauma duai cuzzar il mardi da las 02:00-20:00. Gia l'entschatta da l'emna passada avevi dà chaumas als dus eroports da Berlin. Lezza chauma ha cuzzà radund quatter uras.
RR novitads 06:00