Siglir tar il cuntegn
Inhalt

Exteriur Chile: Tut ils uvestgs han offrì la demissiun

Suenter il scandal d'abus han tut ils 34 uvestgs dal stadi sidamerican offrì la demissiun al papa.

Dus dals 34 uvestgs dal Chile che han offrì lur demissiun durant la visita a Roma.
Legenda: Dus dals 34 uvestgs dal Chile che han offrì lur demissiun durant la visita a Roma. Keystone

Communitgà lur offferta han ils 34 uvestgs dal Chile durant ina visita tar papa Francestg a Roma. In pass cumparegliabel d’ina conferenza d’uvestgs n’haja quai fin uss anc betg dà. Els veglian uschia rugar per pardun a l’entir pievel chilen per ils sbagls commess e las negligientschas, uschia hai num en ina communicaziun.

Il papa ha uss da decider davart las offertas da demissiun. Probablamain na vegn el però betg ad acceptar tut las demissiuns. Uschiglio n'avess l'entira baselgia catolica dal Chila gnanc in uvestg pli. Plinavant aveva il papa gia annunzia ch'i dovria bain demissiuns, ma ch'ils problems da la baselgia na vegnian betg schliads be tras relaschadas da persunas.

RR novitads 17:00