Siglir tar il cuntegn

Header

Navigaziun

Purtret da la glina.
Legenda: La vart davos da la glina è pauc perscrutada. Keystone
cuntegn

Exteriur China atterrescha sin vart davos da la glina

La China è l'emprima naziun che vegn da laschar atterrar ina sonda spaziala sin la vart davos da la glina. La vart davos da la glina è la part ch'ins na vesa betg davent dal mund. Ella è pauc perscrutada.

La sonda «Chang'e 4» saja sa platgada cun success sin la glina, annunzia l'emettur statal chinais. Excursiuns da navs spazialas ed astronauts hai gia da bleras sin la glina. La China è dentant l'emprima naziun ch'è s'atterrada sin la vart davos da la glina. Il manever d'atterrar vala sco success istoric per il program spazial da la China.

Communicaziun è l'obstachel

Experts chinais avevan gia avant classifitgà la missiun sco pretensiusa. Sco obstachel grond vala la communicaziun senza incaps cun il mund, perquai ch'i n'è betg pussaivel da bajegiar si ina communicaziun directa cun la vart davos da la glina. Perquai aveva la China mess en posiziun il matg il satellit «Queqiao» (punt da giazlas) , per pudair trametter signals or da la sumbriva dal func.

Cun la missiun cumplitgada vul la China cumprovar ch'il program spazial dal pajais haja fatg gronds svilups.

RR novitads 06:00