Siglir tar il cuntegn

Exteriur China crititga ina «mentalitad da la guerra fraida»

Tenor la China regia quella en il conflict territorial per las inslas en la mar sid-chinaisa. La China veglia schliaziuns paschaivlas cun ses vischins ed auters pajais duessan sa restrenscher sin contribuziuns constructivas.

Las inslas amez la mar.
Legenda: Craps da stgarpitsch - per questas inslas spir crap en la mar sid-chinaisa sa dispitan il Giappun ed il Taiwan. Keystone

Ils pajais asiatic-pacifics duajan refusar la "mentalitad da la guerra fraida", ha ditg l’admiral Jianguo Sun a Singapur. El è il manader da la delegaziun chinaisa a la conferenza da segirezza dialog Shangri-La.

Sia critica vegn ad esser drizzada ad ils Stadis Unids, malgrà ch’el n’ha betg fatg nums. Ils Stadis Unids han numnadamain accentuà decisamain che grondas parts da la mar sid-chinaisa sajan auas internaziunalas – quai han els fatg cun operaziuns da bartgas da guerra ed aviuns militars.

RR novitads 11:00