Exteriur - China cumbatta cun il pli nausch smog da l’onn
Peking ed ulteriuras citads chinaisas han actualmain da cumbatter cun il pli ferm smog da quest onn. L'ambassada americana en la chapitala chinaisa avertescha d'ina privulusa concentraziun da substanzas nuschaivlas.
La gievgia avevan las autoritads chinaisas gia proclamà il terz aut stgalim d'alarm per l'ost e per il nord dal pajais. Suenter las valurs da l’aria relativamain bunas dal schaner e favrer, returna il smog durant la pli impurtanta stagiun politica la da l'onn.
A Peking sa radunan il mument millis da delegads per las sedutas annualas dal congress dal pievel e da la conferenza consultativa.
