Siglir tar il cuntegn
Inhalt

Exteriur China decretescha dazis da multa cunter ils Stadis Unids

La China lascha ir en vigur la smanatscha e decretescha dazis da multa dad enfin 25% sin products americans. Pertutgads èn 128 products.

  • Peking decretescha dazis da multa sin 128 products americans.
  • La glista da products correspunda a la glista ch'ins aveva publitgà ils 23 da mars.
  • Quai è ina replica sin ils dazis da multa dals Stadis Unids envers la China.

Davent dal glindesdi ston ils americans pajar dazis da multa dad enfin 25% sch'els vulan importar tscherts da lur products en ils Stadis Unids. La glista da dazis da multa cun quella che la China aveva smanatschà ils 23 da mars va en vigur. Il ministeri da commerzi a Peking ha communitgà ch'ins «n'haja absolutamain nagina tema d'ina guerra da commerzi cun ils Stadis Unids.»

Pertutgads èn 128 products en ina valita totala da radund 3 milliuns dollars. Tranter ils products èn er charn portg, fritga e vin.

Replica sin dazis da multa americans

La China reagescha cun questas mesiras sin ils dazis da multa en valita da radund 60 milliardas ch’ils Stadis Unids avevan annunzià cunter la China il mars.

RR novitads 06:00