Exteriur - China ed Taiwan mainan puspè discurs e quai suenter 65 onns
Per la prima giada suenter la guerra civila d'avant 65 onns vulan ils presidents da la China e dal Taiwan s'inscuntrar per in discurs. L'inscunter istoric è planisà per ils 7 da november a Singapur, communitgescha la regenza dal Taiwan.
Tar il discurs giaja quai per mantegnair la pasch en la stretga da la mar tranter il Taiwan e la China. Da suttascriver cunvegnas u decleraziuns communablas quai na saja betg previs, scrivan ils responsabels.
La China vesa l'insla dal Taiwan sco provinza malfidaivla e vul ina re-uniun.
