Siglir tar il cuntegn
cuntegn

Exteriur China: Inquisiziun cunter scienzià

Il scienzià chinais aveva procurà il glindesdi per lingias grassas internaziunalas – quai cun annunziar la naschientscha dals emprims pops manipulads geneticamain. Uss vegn el en il focus da la giustia chinaisa. L'agentura da novitads svizra SDA ha rapportà.

Labor che sequenzescha geneticamain.
Legenda: «Responsabilitad per la sanadad da l'uman» – quai saja anc adina la basa per la scienzia, fa valair la regenza chinaisa cun sia decisiun. Keystone

La regenza locala da Guangdhong nua ch'il perscrutader ha fatg ses experiments vegnia appellada d'immediat prender a mauns il cas, communitgescha la cumissiun da sanadad a Beijing.

Il perscrutader ha procurà ier per consternaziun e critica sin l'entir mund cun annunziar la naschientscha. Ils pops duain esser resistents encunter il virus da HIV. Ina conferma per l'intervenziun na datti però betg.

RR novitads 08:00