Siglir tar il cuntegn
cuntegn

Exteriur China: Leschas per proteger ambient

Il minister da l'ambient da la China Chen Jining pretenda leschas pli severas ed ina collavuraziun internaziunala per far frunt a la polluziun da l'ambient. Pervia da la ravgia da blers Chinais en connex cun la polluziun da l'aria e da l'aua vesa Jining che la pasch sociala è periclitada en China.

Trais dunnas asiaticas portan mascras alvas sur la bucca, davos as vesa in bajetg en il smog.
Legenda: Blers Chinais portan mascras pervia da la polluziun da l’aria. Reuters

Pervia da smog e flums tissientads datti adina puspè protestas en China.

Greenpeace avertescha

L’organisaziun per la protecziun da l’ambient Greenpeace beneventa novas leschas pli severas per meglierar la qualitad da l’ambient. Ella avertescha dentant ch’i na saja betg fatg mo cun pleds.

RR novitads 18:00