Siglir tar il cuntegn

Header

cuntegn

Exteriur China surpassa USA en tecnologias da clav

En la sparta da l'intelligenza artificiala haja la China annunzià il 2018 duas giadas uschè blers patents sco ils Stadis Unids. En la criptografia quantica ch'è impurtanta per il militar haja la China investì 10 giadas uschè bler sco l'USA, hai gì num en il studi l'institut Merics.

Curt avant l'inscunter suprem da l'Uniun Europeica e la China a Brüssel, avertescha il studi «Chinas digitaler Aufstieg» che l'UE pudess vegnir sut las rodas en la cursa digitala da las duas pussanzas grondas. Per l'ina saja l'avantatg che la China e l'USA hajan bajegià or ina da las raschuns. Per l'autra saja er l'USA che serra pli e pli fitg ses cunfins vers ils products chinais ina raschun. Ils Stadis Unids fan plinavant er squitsch sin ses alliads dad er restrenscher las reglas per imports da la China.

La campagna da l'USA en l'Europa, che lezza na duai betg sustegnair Huawei saja tenor quest studi ina provocaziun per conflicts futurs. Davos quai stat la pretensiun dals Stadis Unids che l'Europa na duai betg duvrar products da Huawei per realisar la rait da 5G. Ils pajais da l'UE han dentant decis da betg sclauder Huawei formalmain.

RR novitads 10:00

Artitgels legids il pli savens