Siglir tar il cuntegn

Header

Navigaziun

Il congress american
Legenda: La chombra da represchentants ha vuschà cunter il stadi d'urgenza. Keystone
cuntegn

Exteriur Chombra da represchentants cunter Trump

La chombra da represchentants en ils Stadis Unids ha vuschà cunter il stadi d'urgenza dal president Donald Trump. Quel aveva proclamà ils 15 da favrer il stadi d'urgenza per pudair construir in mir al cunfin cun il Mexico. Il mir è numnadamain ina da las grondas empermischuns d'elecziun da Trump.

Ina maioritad da la chombra dominada da l'opposiziun democratica ha vuschà per ina resoluziun che duai smetter cun il stadi d'urgenza. Uss ha anc il senat american da decider. Là ha dentant la partida da Trump, ils Republicans, la maioritad. Schess era il senat gea a la resoluziun, pudess il stadi d'urgenza vegnir schlià. Il president american ha gia annunzià, ch'el veglia en quest cas far diever da ses dretg da veto.

Congress na vul betg dar daners per il mir

Il congress aveva refusà da dar a Trump la summa giavischada da 5,7 milliardas dollars per construir il mir al cunfin cun il Mexico. L'emna passada avevan ils Democrats alura inoltrà ina resoluziun per smetter cun il stadi d'urgenza.

RR novitads 06:00