Siglir tar il cuntegn
Inhalt

Exteriur Christian Kern saramentà sco nov chancelier da l’Austria

Il nov chancelier da l'Austria, Christian Kern, è en uffizi. Il president dal pajais Heinz Fischer ha saramentà Kern ch'è stà fin ussa il schef da las Viafiers federalas austriacas. Per l'entschatta da ses uffizi ha Kern midà ora trais dals sis ministers da la SPÖ.

Christian Kern (san.) ed il president da l'Austria Heinz Fischer (dre.).
Legenda: Christian Kern (san.) ed il president da l'Austria Heinz Fischer (dre.). Keystone

Christian Kern è il 13avel chancelier da la republica dapi la fin da la Segunda Guerra mundiala il 1945. Per l'entschatta da ses uffizi ha Kern midà ora trais dals sis ministers da la SPÖ.

A l’entschatta da ses uffizi ha Kern remodellà la regenza e remplazzà trais dals sis ministers da sia partida. E per l’emprima giada fa ina dunna muslima part da la regenza: Muna Duzdar daventa secretaria statala.

Al di da partida federal dals socialdemocrats austriacs ils 25 da zercladur duai Kern (50) vegnì elegì sco nov schef da partida.

Coaliziun en depressiun

Il stadi d’anim da la coaliziun da SPÖ ed ÖVP sa chatta a la mesadad da la perioda da legislatura en ina depressiun. La dischoccupaziun da record ed il stil da regenza pauc cooperativ avevan donnegià la reputaziun da la coaliziun nair-cotschna adina pli fitg.

Suenter grond squitsch aifer la partida era il chancelier da fin qua, Werner Faymann, sa retratg da ses uffizis avant bun in’emna.

RR novitads 18:00