Siglir tar il cuntegn
Inhalt

Exteriur Christophe Castaner daventa nov minister da l'intern franzos

Il politicher da 52 onns succeda a Gérard Collomb ch'è sa retratg l'entschatta d'october.

Politicher franzos
Legenda: Christophe Castaner, il nov minister da l'intern da la Frantscha. Reuters

Radund duas emnas suenter la demissiun dal minister da l'intern Gérard Collomb ha il president franzos Emmanuel Macron nominà Christophe Castaner ch'era fin uss secretari da stadi per las relaziuns cun il parlament. Quai ha communitgà la regenza a Paris. Il minister da l'intern è en Frantscha er pervi dal privel da terror permanent ina posiziun-clav.

Midadas en auters ressorts

Emmanuel Macron ed il primminister Édouard Philippe avevan prendì peda da transfurmar la regenza. Perquai èn els vegnids crititgads da l'opposiziun. Er en auters ressorts hai dà midadas. Nov minister da cultura è Franck Riester, nov minister d'agricultura Didier Guillaume e nova ministra per l'unitad territoriala è Jacqueline Gourault.

RR novitads 12:00