Ciclon «Pam» ha devastà Port Vila

Suenter ch'il ciclon «Pam» ha tutgà sonda passada il stadi d'inslas Vanuatu, è la situaziun en il pajais anc adina nunsurvesaivla.

Devastaziun totala a Port Vila Bild in Lightbox öffnen.

Legenda da maletgs: La citad Port Vila è quasi vegnida destruida dal tuttafatg. Keystone

D'avair ina survista da las devastaziuns saja difficil, perquai ch'ils servetschs da telefon sajan disturbads, rapporta l'emettur da televisiun australian ABC.

Da la Nova Zelanda duai arrivar in emprim aviun cun rauba d'agid a bord. L'eroport da la chapitala è donnegià, dentant anc duvrabel. Tenor indicaziuns da l’organisaziun d’agid Oxfam sajan 90 % da las chasas donnegiadas en la citad principala Port Vila.

Las autoritads dal stadi Vanuatu han confermà fin uss 6 unfrendas. Organisaziuns d'agid quintan dentant cun in dumber pli aut.

RR novitads 8:00