Siglir tar il cuntegn

Header

cuntegn

Cifras da corona Democrats americans vulan obligatori da mascrina

Ils Stadis Unids han cun 44’000 novas infecziuns al di – suenter la Brasilia las pli autas cifras da novs cas da l’entir mund. Tenor la democrata americana Nancy Pelosi èsi uss nairas uras d’introducir in obligatori.

video
Pelosi pretenda obligatori da mascrina
Or da News-Clip dals 29.06.2020.
laschar ir

Per franar la pandemia da corona en il Stadis Unids pretendan ils democrats in'obligatori da purtar mascrina en l'entir pajais en il spazi public. Quai fiss gia daditg da far, ha ditg Nancy Pelosi ch’è la parsura democratica da la chombra da represchentants. La regenza da president Trump stoppia finalmain prender serius il privel.

En ils Stadis Unids vegn sulettamain recumandà da purtar ina mascrina sch'i n'è betg pussaivel da mantegnair la distanza. Singuls stadis federativs e singulas citads han introducì sezs in obligatori da purtar mascrina.

Nov record mundial

Il dumber da novas infecziuns cun il coronavirus aifer in di ha cuntanschì in nov record mundial. Tenor indicaziuns da la WHO, l'Organisaziun mundiala da la sanadad, hai dà aifer 24 uras sin l'entir mund 189'000 novas infecziuns.

Er singuls pajais han registrà novs records, sco la Brasilia cun prest 47'000 cas – ed ils Stadis unids cun bun 44'000. Bainbaud surpassa il dumber total d'infecziuns la marca da 10 milliuns. Mortas èn fin uss passa in mez milliuns umans en consequenza da Covid-19.

La politicra americana Nancy Pelosi.
Legenda: Tenor Nancy Pelosi na prenda Donald Trump betg serius la crisa da corona. Keystone

RTR novitads 06:00

Artitgels legids il pli savens

Ir a sanester Ir a dretg