La regenza greca ha refusà l'offerta dals crediturs. Tuttina votescha il pievel grec davart quest'offerta. Tar in «gea» dastgan ils crediturs puspè contractar davart refurmas e pajaments d'agid. Sche la maioritad di «na» smanatscha la fin dals discurs cun ils crediturs.
locals da votaziun:
Ils locals da votaziun han avert las 06:00 e serran las 18:00 (temp europeic).
Sur da quai vegn votà:
Il text sin ils cedels da votar sa cloma: «Duai vegnir approvà il plan communabel da la EZB, cumissiun da l'UE ed IWF, ch'è vegnì inoltrà ils 25 da zercladur en la gruppa da l'euro, e che consista da duas parts?»
L'emprima part dal plan «Refurmas per terminar il program actual ed en pli» e la segunda «Analisa provisorica da la capacitad da pudair purtar ils daivets».
Partizipaziun minimala è premissa:
Per in referendum valaivel ston almain 40% da las 9,85 milliuns votantas e votants registrads sa participar a la votaziun.
Custs:
Il referendum chaschuna al stadi grec csuts da 20 milliuns euros.
Calculaziuns provisoricas:
Cun las emprimas cifras vardaivlas pon ins quintar vers las 20:00