Il project caritativ «Pump for Peace» da la firma grischuna Velosolutions da Flem ha schon construì varga 270 pumptracks, pistas asfaltadas dad ir cun velo sin tut il mund. L’idea davos quest project è da pussibilitar il sport da bike oravant tut ad umans en regiuns dischavantagiadas. Ses pumptracks èn per tuts e duain unir umans, independentamain da religiun, derivanza u generaziun.
Nus essan vegnids per far insatge qua. Jau na sun betg in che fa lavurs a mesas. Jau na sesent en privel, er sche i sfratga mintgatant.
Dapi l'entschatta matg lavura Claudio Caluori cun in team internaziunal da «Pump for Peace» vid dus novs pumptracks en la vischinanza da Tel Aviv en l’Israel. Amez las lavurs da construcziun tuns da sirenas, rachetas che sgolan tras l’aria ed explodeschan sur lur chaus. Il team fui en segirtad e mida albiert. La notg explodeschan anc pliras rachetas, tuts fuin en tschaler. Suenter ina notg turbulenta ed intscherta banduna il team il plazzal da fabrica dal pumptrack e sgola a chasa. Claudio Caluori ed in collega dals Stadis Unids restan, vulan finir quai ch’els han cumenzà.
Lissa Manetsch Dorokhin a Tel Aviv
Per la dunna cun ragischs en Surselva n'è quai betg l'emprima guerra ch'ella passenta en l'Israel. Ella raquinta co igl è da viver il mument cun sia famiglia en il pajais da conflict.