Siglir tar il cuntegn

Header

cuntegn

Exteriur Clima: 2016 pudess daventar in nov onn da record

L'onn actual dastgass rumper il nov record da chalira: Il 2016 vegn probabel il pli chaud onn dapi ch'i vegn registrà las datas l'aura.

Tenor l'institut per meteorologia èsi stà quest onn en media 1,2 grads pli chaud ch'avant l'industrialisaziun. Uschia saja cler ch'il record da l'onn passà vegnia danovamain surpassà, han communitgà ils experts da l'aura a l'ur da la conferenza dal clima a Marrakesch.

Il glatsch liua

In motiv per las temperaturas autas saja tranter auter il fenomen meteorologic El Niño, in pli grond effect hajan dentant las emissiuns da CO2. La concentraziun da gas da serra en l’atmosfera saja uschè auta sco gia daditg betg pli. Er il glatsch en l’Arctica n’era betg pli uschè extendì e ferm durant ils mais fraids.

L’emna passada avevan ils experts gia declerà la perioda tranter il 2011 ed il 2015 sco la pli chauda dapli l’entschatta da las mesiraziuns.

RR novitads 15:00

Artitgels legids il pli savens