Tenor calculaziuns da pliras autoritads americanas pudess il livel da la mar crescher a las costas dals Stadis Unids per 30 centimeters ils proxims 30 onns. A quels studis han fatg part tranter auter da l'agenzia astronautica americana (NASA) e da l'Uffizi per l'ambient dals Stadis Unids (NOAA). Quests 30 centimeters aifer 30 onns correspundessan al medem svilup sco durant ils davos tschient onns.
Ils fatgs èn clers ed ins sto agir urgentamain, per dumagnar la crisa dal clima progredenta.
Quai muntass era ch'i dess marcantamain dapli inundaziuns en las regiuns da las costas da l'America, concluda il rapport. Quest rapport sustegnia ils resultats da studis da pli baud e confermia ch'il nivel da la mar creschia, di il schef da la NASA Bill Nelson. Tenor el in augment alarmant che smanatschia carstgauns sin l'entir mund.