Clima - Novs sondagis d'ieli èn scumandads en l'Alaska

La regenza americana scumonda novs sondagis d'ieli en ina part da l'Alaska. I pertutga in territori ch'è circa sch'i grond sco la Svizra. Sco la regenza scriva, hajan ins ina speziala responsabladad envers il clima en quella regiun. In terz da l'Alaska fa part da l'Arctica, che sa stgaudia dubel uschè spert sco il rest dal mund. Ils dus senaturs republicans da l'Alaska crititgeschan la decisiun, la segirtad dal provediment d'energia dals Stadis Unids vegnia sutminada.