Las clinicas da Valens pon guardar enavos sin in bun onn da fatschenta.
Il dumber dals pazients da reabilitaziun ch'èn vegnids tractads è creschì sin passa 3'600. La svieuta è creschida per 3 milliuns francs sin 88 milliuns. Quai communitgeschan las clinicas en il chantun Son Gagl.
Grazia a las activitads da perscrutaziun intensivas ha la qualitad da la purschida da reabilitaziun pudì vegnir rinforzada vinavant. Las clinicas Valens han er ina staziun ambulanta a Cuira. Cun total 280 letgs e radund 800 collavuraturs èn las clinicas Valens in dals pli gronds offeriders da reabilitaziun en Svizra.
RR novitads 18:00