Siglir tar il cuntegn

Header

fugitivs bloccads en la Grezia
Legenda: Radund 32'000 fugitivs èn il mument bloccads en la Grezia. Keystone
cuntegn

Exteriur Clom d'agid ord la Grezia

Il guvernatur Apostolos Tzitzikostas vul proclamar il stadi d'urgenza pervi da la situaziun da fugitivs al cunfin tar la Mazedonia che sa pigiurescha da di tar di.

Sulet al passagi da cunfin spetgian il mument passa 13'000 persunas, uschia il guvernatur envers l'emettur da novitads Skai. ll vischin en il nord da la Grezia ha serrà l'entir cunfin communabel e lascha il mument be passar in dumber limità da migrants

La regenza greca quinta che radund 32'000 persunas èn il mument bloccadas en il pajais. E di per di vegnian vitier radund 1'900 persunas da la Tirchia.

Tsipras vul ina guardia da costa europeica

Il primminister grec Alexis Tsipras vul pretender a l'inscunter tranter l'UE e la Tirchia da glindesdi ina guardia da costa europeica. La sedia da quella duai esser en la Grezia.

RR novitads 12:00

sda/ggf

Artitgels legì il pli savens

Nach links scrollen Nach rechts scrollen