Cloms d'agid da 18 bartgas da fugitivs

En la Mar Mediterrana èn 2'000 fin 3'000 fugitivs en difficultads. Tenor la guardia da costa taliana èn en curt temp arrivads cloms d'agid da 14 bartgas da gumma e da 4 bartgas da laina.

En pitschnas bartgas sur la Mar Mediterrana emprovan fugitivs adina puspè d’arrivar en l’Europa. Bild in Lightbox öffnen.

Legenda da maletgs: En pitschnas bartgas sur la Mar Mediterrana emprovan fugitivs adina puspè d’arrivar en l’Europa. Keystone

En il fratemp èsi stà pussibel da salvar passa 1'000 persunas. Dasper la marina taliana èn era sa participadas navs da la missiun «Triton» da l'Uniun europeica. Da l'entschatta da l'onn èn morts circa 2'300 fugitivs en la Mar Mediterrana, annunzia l'Organisaziun internaziunala per migraziun.