Siglir tar il cuntegn

Header

cuntegn

Exteriur Coaliziun pro-europeica perda maioritad

En l'Ucraina perda la coaliziun dal primminister Arseni Jazenjuk sia maioritad en il parlament. La fracziun da la partida Samopomitsch ha declerà a Kiew ch'ella extreschia da l'allianza.

Il schef da fracziun da Samopomitsch (agid a sasez) ha rinfatschà a la regenza corrupziun e nepotissem. Samopomitsch è gia la terza partida che volva il dies a Jazenjuk. Senza atgna maioritad sto lez dar si.

I mancan 9 vuschs

Per cuntanscher la maioritad duvrass i 226 vuschs. La partida da Jazenjuk, la Narodny Front, ha il mument mo 217 deputads, e quai, ensemen cun la partida dal president Petro Poroschenko. Sch'i na grategia betg da furmar entaifer 30 dis ina nova coaliziun ha Poroschenko il dretg da schliar il parlament e d'instradar elecziuns novas. Teoreticamain po Jazenjuk dentant er reger vinavant senza maioritad ferma.

RR novitads 15:00

Artitgels legids il pli savens