Exteriur - Collavuraturs tudestgs dad Amazon duain far chauma
A Koblenz en la Germania duain ils collavuraturs dal commerziant d'internet Amazon betg furnir rauba fin la saira da Nadal. Quai vul il sindicat Verdi. Ella ha appellà als collavuraturs dad Amazon da far chauma.
Il sindicat vul cunquai far pressiun sin Amazon. Dapi 2 onns pretendan ils sindicalists in contract collectiv da lavur per ils collavuraturs dad Amazon. Las cundiziuns da quest contract duain correspunder a quellas dal commerzi en detagl e betg a quellas dal sectur da la logistica.
