La Svizra collavura en l'avegnir anc pli stretg ensemen cun la polizia europeica Europol. Il Cussegl federal ha decidì da cumplettar per ulteriurs delicts la cunvegna da cooperaziun cun Europol.
Fin ussa cumpigliava la cunvegna 25 delicts en connex cun terrorissem, criminalitad da cyber e criminalitad organisada. Da nov cumpiglia il mandat er genocid, crims cunter l'umanitad, crims da guerra ed ina retscha da delicts da la criminalitad economica. Il Cussegl federal è persvas che la persecuziun penala vegnia uschia rinforzada.
