Collisiun da tren en Germania

Il mardi saira è in tren regiunal collidà frontal cun in tren da vitgira a Nordrhein-Westfalen. Nov persunas èn vegnidas blessadas grevamain e 41 levamain.

Il tren regiunal ch'è collidà cun in tren da vitgira e gidonters, en il stgir. Bild in Lightbox öffnen.

Legenda da maletgs: 50 persunas èn vegnidas blessadas tar la collisiun da tren. Keystone

Tar in accident da tren en Germania èn 50 persunas vegnidas blessadas. Nov d'ellas sajan grev blessadas, conferman ils pumpiers e la polizia. Plirs gidanters han lavurà fin tard la notg.

Tenor la Deutsche Bahn è l’accident capità il mardi saira a las 19.30 sper Neuss en il Bundesland Nordrhein-Westfalen. In tren regiunal è collidà frontal cun in tren da vitgira ed è per part svià. Tenor il post per l'inquisiziun d'accidents n'avess il tren regiunal betg dastgà charrar sin quest traject. Pertge ch'il tren da vitgira steva airi sin il binari n'è anc betg cler. En il tren regiunal sa chattavan 155 persunas.

RR novitads 06:00