Siglir tar il cuntegn

Header

Navigaziun

cuntegn

Collisiun sin la Donau Polizia arresta il capitani da la «Viking Sigyn»

Suenter la disgrazia da bastiments sin la Donau a Budapest è il capitani da la cruschera vegnì arrestà. I sa tracta d'in Ucrain da 64 onns, ha declerà la polizia a Budapest. L'agentura da novitads ungaresa MTI rapporta ch'i dettia indizis fundads cunter il capitani, e sa referescha sin la polizia ungaresa.

7 persunas mortas - 21 anc adina sparidas

Da las 35 persunas a bord èn mortas 7. Ulteriuras 7 persunas èn vegnidas spindradas, e 21 persunas valan anc adina sco sparidas.

Il bastiment grond da la lingia «Viking River Cruises» cun sedia a Basilea era collidà mesemna saira cun in bastiment d'excursiun pli pitschen. La bartga pitschna «Hableany» saja cursada sut in punt gist davant la cruschera «Viking Sigyn», collidada cun questa e sfundrada aifer secundas, rapportan las agenturas da novitads.

RR novitads 08:00