-
Bild 1 von 4. La bartga cun crana en la zona da l'accident per dustar la bartga sfundrada, entant che la tschertga da las 21 persunas sparidas continuescha. Bildquelle: Keystone.
-
Bild 2 von 4. Sfunsaders e militar èn en acziun d'agid sin il Danubi. Bildquelle: Keystone.
-
Bild 3 von 4. La ministra da l'exteriur sidcoreana Kang Kyung-wha tar las forzas d'agid a Budapest, suenter ch'ina bartga cun turists surtut oriunds da la Corea dal sid è sfundrada. Bildquelle: Keystone.
-
Bild 4 von 4. Fluras a la riva dal Danubi a Budapest per commemorar las unfrendas da la disgrazia cun la bartgetta d'excursiun da mesemna saira. Bildquelle: Keystone.
Suenter la disgrazia da bastiments sin la Donau a Budapest è il capitani da la cruschera vegnì arrestà. I sa tracta d'in Ucrain da 64 onns, ha declerà la polizia a Budapest. L'agentura da novitads ungaresa MTI rapporta ch'i dettia indizis fundads cunter il capitani, e sa referescha sin la polizia ungaresa.
7 persunas mortas - 21 anc adina sparidas
Da las 35 persunas a bord èn mortas 7. Ulteriuras 7 persunas èn vegnidas spindradas, e 21 persunas valan anc adina sco sparidas.
Il bastiment grond da la lingia «Viking River Cruises» cun sedia a Basilea era collidà mesemna saira cun in bastiment d'excursiun pli pitschen. La bartga pitschna «Hableany» saja cursada sut in punt gist davant la cruschera «Viking Sigyn», collidada cun questa e sfundrada aifer secundas, rapportan las agenturas da novitads.
RR novitads 08:00