Siglir tar il cuntegn

Header

cuntegn

Exteriur Columbia: Dapli agid per unfrendas da las malauras

Il parlament da la Columbia ha augmentà il stadi d'urgenza: uschia che 14 milliuns francs stattan a disposiziun per gidar immediat.

Las autoritads da la Columbia han adattà il dumber d'unfrendas suenter ils sbuvaditschs desastrus en la citad da Mocoa. 273 baras hajan ils gidanters chattà fin uss en ils sbuvaditschs da la sonda a Mocoa. Ed anc adina èn sparidas dapli che 200 persunas.

Il parlament da la Columbia ha augmentà il stadi d'urgenza, uschia che 14 milliuns francs stattan a disposiziun per gidar immediat. Tenor indicaziuns da las autoritads èn en tut 45'000 persunas pertutgadas da las inundaziuns e da lavinas da glitta.

385 vischnancas en privel

Era glindesdi era Mocoa senza aua currenta e var 80% da la popluaziun era senza provediment d’electricitad. Tenor ina studia da l’universitad Nacional da la Columbia pudessan talas catastrofas succeder en tschients ulteriurs lieus dal pajais.

RR novitads 07:00

Artitgels legids il pli savens