Columbia fa pass gigantic en direcziun pasch

En il conflict da decennis tranter la regenza columbiana ed ils rebels sanesters da la FARC hai dà ina avischinaziun impurtanta. Ins vul rumir minas.

8 umens ed ina dunna èn avant ina tenda d’in projectur. Bild in Lightbox öffnen.

Legenda da maletgs: Humberto de la Calle annunzia la cunvegna revoluziunara. Reuters

Da lur contractivas a Havanna èn domaduas varts sa cunvegnidas da rumir a moda extendida minas en las regiuns ruralas pertutgadas dals cumbats.

In um cun protecziun avant la fatscha tschertga minas en il guaud. Avrir maletg en lightbox.

Legenda da maletgs: La tschertga da minas en la regiun da conflict. Keystone

Millis unfrendas pervia da minas

Ils davos 25 onns èn tenor il program statal d’anti-minas 11’000 persunas daventadas l'unfrenda da minas terrestras e projectils nunexplodids.

Tenor il schef-negoziader da la regenza Humberto de la Calle vegnian spezialists da l’armada incumbensà da neutralisar las minas.

La cunvegna è vegnida a strada sin intermediaziun cubana e norvegiaisa. Il project duai vegnir coordinà da l'organisaziun Norwegian People's Aid.

FARC

Ils rebells da la FARC cumbattan dapi il 1964 cunter la regenza e gronds proprietaris da terren. La gueriglia ha anc 8’000 cumbattantas e cumbattants. Tenor indicaziuns uffizialas èn da quai da 220’000 persunas vegnidas per la vita e 5 milliuns èn fugids dals cumbattants. Igl è il pli lung conflict armà en l’America latina.

RR novitads 12:00