Legenda:
Schef da rebels Farc, Rodrigo Londono, spera ch'il process da pasch po vegnir salvà.
Keystone
cuntegn
Exteriur - Columbia: Schef da rebels Farc è optimistic
En la Columbia è il schef da la gruppa da rebels Farc optimistic ch'il process da pasch po vegnir salvà. El saja gia s'inscuntrà pliras giadas cun glieud da la regenza per chattar ina schliaziun ha ditg Rodrigo Londono.
I saja vinavant da collavurar per guarir las plajas, uschia ha el ditg en in'intervista. La Farc e la regenza columbiana avevan contractà plirs onns per ina cunvegna da pasch.
L'entschatta d'october ha il suveran columbian refusà la cunvegna. Per sias stentas ha il president Juan Manuel Santos survegnì il premi Nobel da la pasch.
